An Ode

Jis Shai Ki Justjoo Ki Mili Na Kabhi Mujhe,
Ik Bhi Shuaa-e-shaad Dikhi Na Kabhi Mujhe.

Dekha Hai Jab Se Chaschm Me Unki Sarishk Ko,
Be-ashk Koi Aankh Lagi Na Kabhi Mujhe.

Meri Tarah Unhe Bhi Raheen Beqaraariyaan,
Ye Baat Doosri Hai Kahi Na Kabhi Mujhe.

Maqta’ Badal den Ghair Ka Jab Ye Eyaan Huaa,
Phir Unki Koi Baat Jachi Na Kabhi Mujhe.

Jab Se Ye Jaana Pal Me Badalte Hain Wo Rafeeque,
Unse Wafaa Ki Aas Rahi Na Kabhi Mujhe.

Jis Me bhi Hain Pare Mere MAHBOOB Ke QADAM,
Juz Uske Bhaai Koi Gali Na Kabhi Mujhe.

Dil Se Hi Apne Gar-che Kahen Wo Abhi Mobee.n,
Sab Se Kahenge Apna Kabhi Na Kabhi Mujhe.

SHAAN-E-MOMIN

SHAAN-E-MOMIN Me Chaahoon Karoon Kuchh Raquam,

Jiske KHHIRQUE Se Bhi Jhalke Jaah-o-Hasham.

Jiski HASTI Se Hain Ahl-e-Alam Khhuram,
Jiske Sadque Me Paayee Jahaan Ne Ne’am.

Jiski Thokar Se Aa Jaaye Murde Me Dam,
Kalema Imaa se Jiske Sunaa De Sanam.

Misl-e-shabnam Ho Sahn-e-chaman Me Jo Nam,
Qalb-e-sahra-o-dariya Me jis Se Ho Ram.

Shaan-o-karrofar-e-MARD-E-MOMIN Ajab,

Jinn-o-Tahmooras-o-Ins Uske Khhadam.

Kya Bayaan Uske Rukhh Ka Ho Jaah-o-Jalaal,
Uske Qadmon Me Khham Farque-e-Dara-o-Jam.

Durr-e-la’l-o-gohar Us se Chhan Kar Giren,
Guftgoo Ke Liye Apne Khole Jo Fam.

Us Ke Dam Se Kaheen Nestaan Bhi Ho Khhak,
Aur Kaheen Ho Biyaabaan Usi Se Iram.

Hai Wo Ghaw’waas-e-BAHR-E-MAHABBAT Bhee Jab,
Kyun Herasaan Ho Wo Dekh Kar Bahr-e-gham.

LAIS-E-JABBAR-O-SAIF-UL-MUZILL, DAST-E-HAQUE,
Chaschm Par Hai Eyaan Us Ke LAUH-O-QUALAM.

SHAAN-E-MOMIN Me Kya Too Kahega Mobee.n,
BAAL-E-JIBREEL-O-ARSH Uske Zer-e-QADAM.

KALAM-E-A'LA HAZRAT

Waah Kya Jood-o-Karam Hai SHAH-E-BATHA TERA,
Nahin Sunta Hee Nahin Maangne Waala TERA


Dhaare Chalte Hain ATAA Ke Wo Hai DARIYA TERA,
Taare Khilte Hain Sakhha Ke wo Hai ZARRA TERA


FAIZ Hai Ya SHAH-E-TASNEEM Niraala TERA,
AAP Pyaason Ke Tajassus Me Hai DARIYA TERA