SUROOD-E-BEDAARI

"A SONG OF AWAKENING"

Uth Ai Ghaafil Nau-jawaa.n, Kab Tak Rahega Mast-e-khhwaab
Apni Hasti Se Bapa Kar De Jahaa.n Me Inqelaab


Doosro.n Ke Dar Ka Kyu.n Banta Hai Tu Dar-yuza-gar
Hai Jahaa.n Khhud Dar Pe Tere Tu Hai Wo Izzat-ma'aab


Is Gulistaan-e-jahaa.n Me Tujh Se Baaqi Hai Bahaar
Tu Na Ho, To Ye Chaman Bhi Ho Gariftaar-e-Azaab


Ban Haqueeqat Me Mureed-e-SAHAB-E-MAA-ZAAGH, Tu
Chaschm Par Teri Ho Jis Se Saara Aalam Be-hijaab


Aisa Paida Kar Yaqee.n, Ho Haath Tere DAST-E-HAQUE
Aur Qadmo.n Ko Tere Choo-kar Ke Qulzum Ho Habaab


Khhak Ke Zarro.n Me Teri wo Sharer Mastoor Hai
Kar De Khhakister Jalaa Ke Jo Dahekta Aafta


Ranj-o-Gham Me Bhi Tera Chehra Ho Shaadaa.n Is Tarah
Chaschm-e-Aalam Me Hai Jaise Khharo.n Me Khhanda.n Gulaab


DIL Ke Aaeene Me Apni Soorat-o-seerat Ko Dekh
Ho Eyaa.n Jis Se Wo Naqsh-e-aab Hai, Ye AAB-E-NAAB


Ai KHHUDA TU Is Mobee.n Ke Toote Phoote Lafzo.n Ko
Aisee De Taaseer K'i Ho.n Ek Din FASL-UL-KHHITAAB